Pharos se eentalige Engelse woordeboek fokus op die verklaring van ongeveer 10 000 frekwent gebruikte Standaardengelse woorde, uitdrukkings en frases wat leerders elke dag in hulle omgangslewe nodig het.

Elke woord, uitdrukking of frase is van ’n eenvoudige verklaring voorsien, en die gebruik daarvan word met ’n volsin geïllustreer.

Die woordeboek sluit grammatikale inligting soos die woordsoort van elke lemma, meervoudsvorme van naamwoorde, verledetydsvorme van werkwoorde, negatiewe vorme van adjektiewe, en manlike en vroulike vorme in.  Afkortings word in die hooflys opgeneem en kruisverwysings word gebruik waar meer inligting by ’n verwante lemma gevind kan word.

Die woordeboek is daarop gerig om leerders se woordeskat uit te brei, taalgebruik en skryfvermoë te bevorder, en selfs leerders se kennis oor Suid-Afrikaanse Engelse woorde uit te brei. 

Die moet-hê-naslaanbron is geskik vir Afrikaanse en Engelse Huistaal- en Eerste Addisonele Taalleerders, tuis of in die klaskamer.