NB-Uitgewers se drukname Human & Rousseau en Tafelberg kondig met trots aan dat inskrywings nou oop is vir die Jeugboekkompetisie in 2025! Skryf ’n jeugboek of kinderboek en staan ’n kans om R50 000 te wen!

Die wenners van die eerste rondte van hierdie kompetisie in 2024 het pas op die rakke verskyn: De Wet Hugo se Die doodgewone bure (Human & Rousseau, kinderboek-wenner) en Sandy Schoeman se Chakalaka uit ’n blikkie (Tafelberg, jeugboek-wenner).

Skrywers word nou weer uitgenooi om hulle oorspronklike, onweerstaanbare en hoogs vermaaklike Afrikaans manuskripte in te skryf en die kans te staan om groot prysgeld los te slaan. Die kompetisie bestaan uit twee kategorieë: Eerstens vir manuskripte vir jong lesers 8 tot 12 jaar oud (tot ongeveer 20 000 woorde) en tweedens vir tiener- of jongvolwasseneverhale (tot ongeveer 50 000 woorde) in Afrikaans vir lesers ouer as 13 jaar.

Die prysgeld is R50 000 vir die wenner-kinderverhaal en R50 000 vir die wenner-jeugverhaal.

Verdere inligting, kompetisiereëls en ’n inskrywingsvorm is HIER verkrygbaar.

Sluitingsdatum: 20 Oktober 2025.

Wenners sal in April 2026 bekendgemaak word.

Die boeke sal later in 2026 op die rakke wees.

Skrywers wat nog meer wil weet, kan Sune Raspel kontak - [email protected]