'n Tandartsstoel is die laaste plek waar Tessa Meyer verwag het om haar muse teë te kom toe sy weer begin skilder het, maar een kyk in dokter Jan-Daniel Vermeulen se sjokoladebruin oë en skielik het sy 'n nuwe onderwerp vir haar kuns gevind. Sy kan haar aangetrokkenheid tot hom nie ontken nie. Maar sy kan mos nie nou in 'n verhouding betrokke raak nie. Haar skeisaak moet afgehandel word en haar dogters sukkel reeds om dit te aanvaar . . .