In A Coat of Many Colours bied Fred Khumalo verskeie kleurvolle verhale wat die laslappiebeeld van die titel gestand doen. Dié stories, uit genres van noir tot komedie; realisme tot surrealisme, bederf lesers met ware verskeidenheid.
Karakters van verskillende rasse, ouderdomme, klasse en genders dra by tot die diversiteit van die bundel: ’n Seun speel speurder en ondersoek die saak van ’n bok en ’n baadjie; ’n vrou neem wraak; ’n man is vervloek met ’n groeiende deel van sy anatomie; en meer!